Ein Credoau
Mae Grace Communion International yn gynulliad o aelodau,
cynulleidfaoedd a gweinidogaethau mewn dros 100 o wledydd a
thiriogaethau. Ein cenhadaeth yw byw efengyl Iesu Grist, a rhannu
ynddi, a helpu aelodau i dyfu’n ysbrydol (Mathew 28:19-20).
Caiff Cristnogion eu hannog i gynyddu “mewn gras, ac mewn gwybodaeth
o’n Harglwydd a’n Gwaredwr, Iesu Grist” (2 Pedr 3:18). Mae Ysbryd
Duw yn arwain yr eglwys at bob gwirionedd (Ioan 16:13). Yn unol â
hyn, nid yw’r Datganiad o Gredoau hwn yn gredo caeedig. Mae Grace
Communion International yn adnewyddu ei hymrwymiad at y gwirionedd
ac at ddealltwriaeth ddwysach yn gyson, ac yn ceisio ymateb i
arweiniad Duw trwy ei chredoau a’i harferion.
Crynodeb o’n Ffydd Gristnogol
-
Mae yna un Duw— Y Tad, Y Mab a’r Ysbryd Glân.
-
Gwnaeth Duw’r Tad bob peth trwy’r Mab, anfonodd y Mab dros ein
hiachawdwriaeth ni, ac mae’n rhoi’r Ysbryd Glân i ni.
-
Ganwyd Mab Duw, Iesu Grist, ein Harglwydd a’n Gwaredwr, i’r
forwyn Fair, yn llwyr Dduw ac yn llwyr ddynol, ac mae’n
ddatguddiad perffaith o’r Tad ac yn gynrychiolydd perffaith
dynoliaeth. Dioddefodd a fu farw ar y pren dros bob pechod
dynol, codwyd ei gorff ar y trydydd dydd ac esgynnodd i’r
nefoedd. Saif ar ran dynoliaeth gyfan gerbron y Tad ac mae’n
darparu’r ymateb dynol perffaith i Dduw. Gan iddo farw dros
bawb, bu farw pawb ynddo, a daw pawb eto’n fyw ynddo.
-
Mae’r Ysbryd Glân yn dod â phechaduriaid at edifeirwch a ffydd,
yn rhoi sicrwydd i gredinwyr y cânt faddeuant ac y cânt eu
derbyn fel plant annwyl Duw, ac yn gweithio ynddynt i’w
cydffurfio i ddelwedd Iesu Grist.
-
Y Beibl yw Gair ysbrydoledig ac anffaeledig Duw sy’n tystio i
Iesu Grist. Mae’r Beibl yn llwyr awdurdodol ar bob mater ffydd
ac iachawdwriaeth.
-
Daw iachawdwriaeth trwy ras Duw yn unig ac nid trwy
weithredoedd, a chaiff ei phrofi trwy ffydd yn Iesu Grist. Mae
Crisnogion yn ymateb i lawenydd iachawdwriaeth wrth iddynt
gynnull mewn cyfeillach reolaidd a byw bywydau duwiol yn Iesu
Grist.
-
Edrychwn ymlaen at atgyfodiad y meirw a bywyd yr oes a ddaw.
Cliciwch yma i gael y
Datganiad o Gredoau llawn.
Mae credoau Grace Communion International, fel enwad, wedi eu seilio
ar Ddiwinyddiaeth Drindodaidd sydd â Christ fel Ffocws
Prif bwyntiau Diwinyddiaeth Drindodaidd sydd â Christ yn Ffocws
I ddilyn, ceir rhai o breseptau sylfaenol y Ddiwinyddiaeth sydd â
Christ yn Ffocws.
1.
Creodd y Duw Triunol bob un i gyfranogi trwy ddynoliaeth ddirprwyol
Iesu Grist yn y berthynas gariadus y mae’r Tad, Y Mab a’r Ysbryd yn
ei mwynhau.
2.
Daeth Y Mab yn ddyn, y dyn Iesu Grist, i ailgymodi pob dynoliaeth at
Dduw trwy ei enedigaeth, ei fywyd, ei farwolaeth, ei atgyfodiad a’i
esgyniad.
3.
Y Crist a fu farw ar y pren, a atgyfodwyd ac a fawrygwyd, yw
cynrychiolydd dynoliaeth ar law dde’r Tad, ac mae’n denu pob un
ato’i hun trwy bŵer yr Ysbryd Glân.
4.
Yng Nghrist, mae’r Tad yn caru dynoliaeth ac yn ei derbyn.
5.
Mae Iesu Grist wedi talu am ein holl bechodau — rhai’r gorffennol, y
presennol a’r dyfodol—ac nid oes dyled i’w thalu mwyach.
6.
Yng Nghrist, mae’r Tad wedi maddau ein holl bechodau, ac mae’n
awyddus i ni droi ato.
7.
Gallwn fwynhau ei gariad dim ond pan fyddwn yn credu ei fod yn ein
caru. Gallwn fwynhau ei faddeuant dim ond pan fyddwn yn credu ei fod
wedi maddau i ni.
8.
Pan fyddwn yn ymateb i’r Ysbryd trwy droi at Dduw, credu yn y
newyddion da a chodi ein pren i ddilyn yr Iesu, mae’r Ysbryd yn ein
harwain at y bywyd newydd yn nheyrnas Duw.
Dolenni:
Cyflwyniad i Ddiwinyddiaeth Drindodaidd:
Duw wedi
Ei Ddatgelu yn yr Iesu (dolen allanol)
Cyflwyniad Byr i Ddiwinyddiaeth Drindodaidd (pdf)
Os hoffech ymuno â ni, croesewir ymwelwyr yn unrhyw rai o’n
gwasanaethau.
